RUS
SMARTNEWS.KZ басылымының хабарлауынша, еліміздің бірнеше қаласында жас әйелдерді «элиталық эскортқа» тартумен айналысқан топтың әрекеті әшкереленді. Бұл туралы Polisia.kz жазды.
«STOP-трафик» жедел алдын алу шарасы аясында адам саудасына қатысты бірқатар ауыр қылмыс жолы кесілді.
Астанада полиция мен прокуратура бірлесіп теміржол вокзалы маңында рейд жүргізді. Нәтижесінде азаматтарды жыныстық мақсатта заңсыз пайдалануға арналған притондарды ұйымдастырған және ұстап келген сегіз адамға қатысты қылмыстық іс қозғалды.
Сондай-ақ Астана, Алматы және Шымкентте түнгі клубтар мен барларда жас қыздарды «элиталық эскортқа» үгіттеген ұйымдастырушылардың әрекеті құжатталды. Тергеу олардың жеңгетайлық схемасын толық анықтады. Қылмыстық істер сотқа жолданды.
Түнгі ойын-сауық орындарына жүргізілген тұрақты тексерістер Шымкент, Ақтөбе, Жамбыл, Батыс Қазақстан, Қарағанды және Қостанай облыстарында да кәмелетке толмағандарды қоса алғанда, азаматтарды түрлі қанау түрлеріне тарту фактілерін анықтап отыр.