RUS
SMARTNEWS.KZ басылымының хабарлауынша, Атырау қаласының Береке шағынауданындағы №24 үйде ер адамның мәйіті табылды. Көршілердің айтуынша, марқұм пәтерде шамамен 21 күн бойы жатқан. Оқиға марқұмды іздеп келген туысы дабыл қаққаннан кейін ғана белгілі болған. Бұл туралы АқЖайық басылымы жазды.
Куәгерлердің сөзінше, осы уақыт ішінде подъезге өткір өлексенің иісі жайылып, тұрғындардың өмірін әбден қиындатқан. Мәйіт табылған соң үй тұрғындары подъезді өз күштерімен тазалауға мәжбүр болған.
«Иіс бүкіл подъезді алып кетті. Өз ақшамызға адамдар жалдап, жудық. Хлормен, “Белизнамен” тазаладық. Бірақ иіс әлі де кетпей тұр. Біз маман емеспіз, мұндай жағдайда не істеу керегін білмейміз», — дейді көршілердің бірі.
Тұрғындардың айтуынша, оқиғадан кейін санитариялық-эпидемиологиялық қызмет те, арнайы дезинфекция жүргізетін ұйымдар да келмеген. Ресми тазалау жұмыстары жасалмаған. Осыған байланысты тұрғындар құзырлы органдардан нақты шара қабылдауды талап етіп отыр.