RUS
SMARTNEWS.KZ басылымының хабарлауынша, Қазақстанда «Руың кім?» атты фильм барлық кинотеатрлардан алынып тасталды. Бұл шешім фильмнің көрсетілімін тоқтатқан компания Tiger Films тарапынан жарияланды.
Компания өздерінің бұл қадамды қоғамдық пікірталас аясында ерікті түрде қабылдағандарын айтады. Сонымен қатар, Tiger Films студиясы фильмді «позитивті және ізгі ниетпен» түсіргенін, сатир мен юмор арқылы авторлар қоғамдағы рудан бөлінудің қате түсінік екенін көрсетуге тырысқанын атап өтті.
Продюсерлер фильмде заң бұзушылықтың болмағанын мәлімдеді, бірақ қоғамда қате түсінік туындап, ахуалдың ушығып кетуінен қорқып, прокатты тоқтату туралы шешім қабылданғанын айтты.
«Біз әрдайым Қазақстан халқының бірлігін қолдадық. Фильмнің дұрыс түсінілмей қалмауы үшін барлық кинотеатрлардан оны алып тастау туралы шешім қабылданды», — делінген Tiger Films компаниясының мәлімдемесінде.
Бұл жағдайдан бірнеше күн бұрын Мәжіліс депутаты Ерлан Саиров қоғам арасында ұлтаралық және руаралық психологияның күшейіп бара жатқаны туралы өткір пікір білдірген болатын. Депутат «Руың кім?» фильмін мысал ретінде келтіріп, рулар мен жүздер тақырыбының ұлттық бірлікке қауіп төндіретінін мәлімдеді.
Депутаттың айтуынша, фильмді насихаттау кезінде Қазақстан картасының үш жүзге бөлінген нұсқасы қолданылған. Бұл әдісті Саиров жауапсыздық ретінде бағалап, еліміздегі идеология мен ұлттық бірлікті сақтау үшін арнайы комиссия құруды ұсынды.