RUS
SMARTNEWS.KZ басылымының хабарлауынша, Ислам әлемінің басты қасиетті орны — Меккедегі Масжид әл-Харам мешітінде төтенше жағдай тіркелді. Ер адам ғимараттың жоғарғы ярустардың бірінен төменге секіріп, өз-өзіне қол жұмсауға әрекет жасаған. Бұл туралы шетелдік БАҚ жазды.
Сауд Арабиясы Ішкі істер министрлігінің мәліметінше, оқиға салдарынан секірген азаматтың өзі ғана емес, оны тоқтатуға тырысқан қауіпсіздік қызметінің қызметкері де ауыр жарақат алған. Қауіпсіздік қызметкері ер адамды құлап бара жатқан сәтінде ұстап қалуға ұмтылған.
«Қазіргі уақытта екі адам да ауруханада дәрігерлердің бақылауында. Оқиға орнында барлық ресми рәсімдер аяқталды», — делінген ресми хабарламада.
Оқиға қоғамда үлкен резонанс туғызды. Осыған байланысты Масжид әл-Харамның бас имамы шейх Абдур Рахман ас-Судайс шұғыл үндеу жасап, әлемнің түкпір-түкпірінен келген қажыларды қасиетті мекеннің қадірін сақтауға шақырды.
Ол ислам дінінде адам өмірі ең жоғары құндылық саналатынын, ал оны қорғау — шариғаттың басты мақсаттарының бірі екенін атап өтті.