RUS
SMARTNEWS.KZ басылымының хабарлауынша, Сәкен Бибосынов әлем чемпионатындағы екінші жеңісін тойлау мақсатында Түркістан облысынан сәнді автокөлік сыйлыққа алды. Бұл туралы Otyrar телеарнасы мәлімдеді.
Телеарнаның мәліметінше, облыс әкімі Нұралхан Көшеров жыл қорытындысы бойынша үздік спортшыларды марапаттады.
Ерекше құрметке екі дүркін әлем чемпионы боксер Сәкен Бибосынов пен каратэден әлем чемпионатының қола жүлдегері Әсел Қанай ие болды. Оларға автокөліктің кілттері табысталды.
Бұған дейін Бибосынов білім алған университет те танымал түлегін ескере отырып, 2 млн теңге сыйлаған еді.
Еске салсақ, 13 желтоқсанда қазақстандық боксер Сәкен Бибосынов Ресей спортшысы Вячеслав Рогозинге қарсы шығып, төрешілердің бірқалыпты шешімімен жеңіске жетті. Екінші раундта россиялыққа нокдаун есептелді. Осылайша, Сәкен ұлттық құрамға ағымдағы әлем чемпионатындағы алғашқы алтын медальды алып келді.
28 жастағы қазақстандық боксшы 2020 жылғы Токио Олимпиадасының қола жүлдегері және 2021 жылғы Белградтағы әлем чемпионы екенін атап өткен жөн.