Ақтауда жағалаудағы пальмалар тұрғындарды шошытты
Тұрғындар пластикалық пальмалар қаланың көркін бұзып жатқанын айтып шағымданды.
SMARTNEWS.KZ басылымының хабарлауынша, Ақтау тұрғындары Каспий жағалауындағы жасанды пальмалардың жағдайына алаңдаулы. Жергілікті тұрғындардың айтуынша, пальмалардың сыртқы көрінісі қаланың көркін бұзып, абыройын төмендетіп отыр. Lada.kz редакциясы қалалық әкімдікке сұрақ қойып, пальмаларды қалпына келтіру жоспарланып жатқанын анықтады.
Тұрғындар пальмалардың кейбір бұтақтарының сынғанын, қалған бөлігінің бүлінген және күтімсіз көрінетінін айтып шағымдануда.
«Пальмаларға қарауға тіпті қорқынышты, барлық бұтақтары бүлініп кеткен. Жағалау қаламыздың бетбелгісі. Ал осы жасанды пальмалардың жағдайы тұрғындар мен туристерге қалатын әсерге тікелей ықпал етеді. Неге билік бұл мәселені елемей отыр? Пальмалар дереу қалпына келтірілуі керек, олар жағалауға ерекше көрік береді», — дейді қала тұрғындары.
Қалалық әкімдікке сұрақ жолдаған редакцияға жауап беріліп, жасанды пальмалардың жапырақтарын ауыстыру үшін 2026 жылға бюджеттік-сметалық құжаттар дайындалып жатқанын хабарлады.
«Қаржы бөлінген жағдайда жағалаудағы барлық пальма жапырақтары ауыстырылады. Сондай-ақ Маңғыстау облысының құрылыс басқармасының тапсырысы бойынша Ақтау жағалауын толық қайта қалпына келтіру жұмыстары жоспарланып отыр, оның ішінде пальмалардың жапырақтарын қалпына келтіру де бар», — деді әкімдіктен.
Естеріңізге сала кетейік, 2024 жылы әкімдік пальмаларды қалпына келтіру үшін қажетті элементтердің жоқтығын мәлімдеген. Сонымен қатар, жағалауды қайта жөндеу жобасында пальмалар енді қарастырылмайтыны айтылған еді.
Ақтаудағы алғашқы жасанды пальмалар 2019 жылдың ақпанында орнатылған. Қала бойынша жағалау бойына әр 15 метр сайын 100 пальма қойылған. Әрқайсысының биіктігі — 11 метр.
Материал авторы
