Атыраулық азамат Ресейге сирек кездесетін қаруды алып өтпек болғаны үшін жазаланды
Тарихи тапаншаны шекарадан өткізбек болған атыраулық сотталды.
SMARTNEWS.KZ басылымының хабарлауынша, Атырау қаласының тұрғыны сирек кездесетін тарихи қаруды Ресейге заңсыз алып өтпек болғаны үшін шартты жазаға тартылды. Бұл туралы сот материалдарына сүйенген дереккөздер хабарлайды.
Әңгіме XIX ғасырдың соңында шығарылған немістің өздігінен атылатын «Маузер» тапаншасы туралы болып отыр. 1895 жылғы үлгідегі қару ағаш қынап-прикладпен жабдықталған. Ол 2025 жылы «Әлімбет» бақылау-өткізу бекетінде мемлекеттік шекарадан өткізу әрекеті кезінде тәркіленген.
Тексеру барысында атыраулық азаматтың бұл қаруды ешқандай рұқсат құжаттарынсыз сақтағаны және алып өтпек болғаны анықталған. Сот оны кінәлі деп танып, екі жылға шартты түрде бас бостандығынан айыру жазасын тағайындады.
Кейін жүргізілген сараптама тәркіленген тапаншаның тарихи-мәдени құндылыққа ие екенін көрсетті. Мамандардың қорытындысына сәйкес, бұл маузер — XIX ғасырдың соңындағы қару-жарақ өндірісіндегі маңызды кезеңді сипаттайтын ерте үлгілердің бірі.
Сот шешіміне сәйкес, тарихи қару Ақтөбе облыстық полиция департаментінің музейіне тапсырылды. Қазір ол музей экспозициясында сақталып, экскурсиялық және ағартушылық мақсатта пайдаланылып жатыр.
Материал авторы
