RUS
SMARTNEWS.KZ басылымының хабарлауынша, Қазақстан мұсылмандары діни басқармасы 2026 жылға арналған мұсылман мерекелерінің ресми күнтізбесін жариялады.
ҚМДБ бекіткен дерекке сәйкес, қасиетті Рамазан айы 2026 жылғы 19 ақпанда басталады. Осы күн — оразаның алғашқы күні болып белгіленген.
Қадір түні 16 наурыздан 17 наурызға қараған түні аталып өтеді.
Ал Ораза айт мерекесі 20 наурызға сәйкес келеді.
Құрбан айт 2026 жылы 27-29 мамыр күндері өткізіледі деп жоспарланып отыр.
Қазақстан мұсылмандары діни басқармасы күнтізбе халықаралық астрономиялық орталықтардың деректеріне негізделіп жасалғанын атап өтті. Соған байланысты жаңа айдың көрінуіне қарай мерекелік күндер бір күнге ауысуы мүмкін.