RUS
SMARTNEWS.KZ басылымының хабарлауынша, 12 қаңтардан бастап enpf-otbasy.kz платформасында медициналық қызметтерді біржолғы зейнетақы төлемдері есебінен төлеу үшін өтініш қабылдау уақытша тоқтатылды. Бұл туралы «Отбасы банк» хабарлады.
Қабылданған шешім зейнетақы қаражатының «артық қалған бөліктерін» емделуге пайдалану ережелерін қайта қарау аясында жүзеге асырылды.
«Отбасы банк Денсаулық сақтау министрлігі және басқа да мемлекеттік органдармен бірге біржолғы зейнетақы төлемдері арқылы медициналық қызмет алу талаптарын қайта қарастырады. Сондай-ақ ақпараттық жүйелерді интеграциялау механизмдерін жетілдіру арқылы қаражаттың мақсатсыз жұмсалуына жол бермеу жоспарланып отыр», – делінген хабарламада.
Зейнетақы қаражаты есебінен емделу үшін өтініш қабылдау ережелері толық түзетілгеннен кейін қайта басталатыны туралы қосымша хабарлама беріледі.