RUS
"Ерменсай" шағын ауданының тұрғындарына электрмен, сумен қамту және су тарту бойынша сапасыз қызмет көрсеткен "Сумен қамту қалалық сумен жабдықтау кәсіпорны" ЖШС-ға (бұрын "Орхан" ЖШС) келер болсақ, ұзындығы 4,2 км болатын электр желісін қаланың балансына өтеусіз беру туралы шешім қабылданғанын хабарлағым келеді. Компанияның өзіне 120 млн теңге айыппұл салынды", - деді Ерболат Досаев.
Мегаполис басшысы Бостандық ауданының тұрғындарына коммуналдық қызмет көрсету сапасын арттыру үшін биыл 25 км инженерлік желілерді, оның ішінде 6 км астам су құбыры желілерін, 0,9 км жылу трассасын қайта жаңарту, 16,5 км жоғары вольтты электр кабель желілерін, 1,5 км орташа қысымды жерасты газ құбырын жөндеу жоспарланғанын айтты.
Сондай-ақ маусым айында қосылған аумақтарда 47,2 км электр желілерін қайта жаңарту басталады. Әкім жұмыстарды 2024 жылдың сәуір айында аяқтау жоспарланып отырғанын айтты.