RUS
SMARTNEWS.KZ басылымының хабарлауынша, Атырауда №51 бағыттағы қоғамдық автобуста екі қыз орынға таласып, бірін-бірі шашынан сүйреген. Оқиға сәті түсірілген видео әлеуметтік желілерде тарады.
Кадрларда автобустың ішінде болған жанжалдың қызу өршіп, төбелеске ұласқаны көрінеді. Куәгерлер араша түсіп, екі тарапты ажыратқан. Осыдан кейін қатысушылардың бірі «102» нөміріне қоңырау шалған, ал екіншісі автобустан түсіп, оқиға орнынан кетіп қалған.
Атырау облыстық полиция департаментінің мәліметінше, бейнежазбада көрсетілген құқықбұзушылыққа қатысы бар әйел анықталып, полиция бөліміне жеткізілген. Аталған дерек бойынша ұрып-соғу фактісімен қылмыстық іс тіркелді.
Қазіргі уақытта жәбірленушіден, сондай-ақ оқиғаның өзге куәгерлерінен түсініктемелер алынған. Құқық қорғау органдары жанжалдың барлық мән-жайын жан-жақты тексеріп жатыр.