RUS
SMARTNEWS.KZ басылымының хабарлауынша, Алматы облысында дәрігерлер миы өлі деп танылған 47 жастағы ер адамның екі бүйрегін, жүрегін, бауырын және көз торын мүшелерге мұқтаж пациенттерге трансплантациялады.
Қазақстан Республикасының Денсаулық сақтау министрлігінің хабарлауынша, көпбейінді клиникалық аурухана науқасының миының өлімі анықталғаннан кейін, туыстарына донорлыққа келісім беру туралы түсіндірме жүргізілді. Жақындары бұл шешімді қолдаған.
«Барлық кезеңдерді ұйымдастыру мен үйлестіруді Республикалық трансплантация және жоғары технологиялық медициналық қызметтер орталығы қамтамасыз етті. Донорлық процесс барысында екі бүйрек, жүрек, бауыр және роговица алынды», – деп хабарлады министрліктің баспасөз қызметі.
Барлық донорлық мүшелер профильді медициналық ұйымдарға тез жеткізілді. Жүрек, бауыр, бүйрек және роговица трансплантациясы сәтті аяқталды. Медициналық көмек көрсетілген пациенттердің арасында республикалық кезек тізімінде тұрған бала да бар.
2025 жылдың соңына қарай Қазақстанда трансплантацияға кезекте 4 506 пациент бар, оның ішінде 123 бала. Көпшілігі – 90%-дан астамы – бүйрек трансплантациясына мұқтаж.