Қайрат Нұртастың екінші қызы жұлдыздармен бірге киноға түседі

SMARTNEWS.KZ басылымының хабарлауынша, танымал әнші Қайрат Нұртастың 16 жастағы қызы Алау Нұртастың отандық көркем фильмге түсуі ресми түрде расталды. Жас актриса фильмде басты рөлдердің біріне бекітілген.

Жаңалықты әншінің жұбайы, Алаудың анасы Жұлдыз Әбдікәрімова жария етті. Оның айтуынша, бұл хабарды ана ретінде ерекше толқумен әрі қуанышпен бөлісіп отыр.

«Жақсы жаңалықпен бөліскім келеді. Ана ретінде шексіз бақыттымын. Қазір үлкен фильм дайындалып жатыр, Алау киноға түседі. Ол кәсіби актерлермен бірге басты рөлдердің бірін ойнайды. Олардың қатарында көрерменнің сүйіктілері Азамат Сатыбалды, Еркебұлан Дайыров және өзге де актерлер бар. Сондықтан осы көктемде үлкен экраннан күтіңіздер», – деді Жұлдыз Әбдікәрімова.

Фильмнің премьерасы алдағы көктемде өтеді деп жоспарланған. Бұл жоба Алау Нұртастың кино саласындағы алғашқы ірі жұмыстарының бірі болмақ.