RUS
SMARTNEWS.KZ басылымының хабарлауынша, Мемлекет басшысы Қасым-Жомарт Тоқаев Қызылордада өтіп жатқан Ұлттық құрылтайдың V отырысында болашаққа бағдар жасау кезінде шынайы көзқарас маңызды екенін айтты.
Президент кез келген мемлекеттік күштің негізі – халық екенін атап өтті.
«Азаматтарымыздың жасампаздық қуатының арқасында еліміз кез келген кедергі мен тосқауылға қарсы тұрып, орасан зор табысқа жететіне кәміл сенемін», – деді Тоқаев.
Сонымен қатар ол әртүрлі жоспарлар мен стратегияларды құруға қатысты өз ұстанымын білдіріп:
«Мен бос қиялға беріліп, құрғақ уәде беруге қарсымын. Болашаққа бағдар жасап, жоспар құрғанда өмірге шынайы көзқараспен қараған жөн», – деді Президент.
Бұл мәлімдеме мемлекеттік жоспарлар мен стратегияларды шынайы деректер мен халықтың мүмкіндіктеріне негіздеп жасау қажеттігін тағы бір мәрте еске салды.