RUS
Бұл туралы орталық коммуникациялар қызметі алаңында өткен баспасөз мәслихатында айтылды, деп хабарлайды smartnews.kz сайты.
«Жергілікті атқарушы органдардың құзыретіне қатысты ерекше білім беру қажеттіліктері бар балалардың тәрбие-білім алуына жағдай жасау керектігі жөніндегі норма бар. Сондай-ақ, білім беру ұйымы басшыларына қатысты жауапкершілік күшейтілді. Олар ерекше балаларды талапқа сай жағдаймен қамтамасыз етуі тиіс. Бүгінде мектептерге педагог-ассистент лауазымы енгізілген. Қазіргі уақытта мектептерде 1000-ға жуық педагог-ассистенттер жұмыс істейді. Енді мектепке дейінгі ұйымдарда педагог-ассистент лауазымын енгізу жоспарлануда», - деді Оқу-ағарту министрлігі арнайы және инклюзивті білім беруді дамытудың ұлттық ғылыми-практикалық орталығының директоры Әйгерім Күдеринова.
Еске салайық, даму ерекшеліктері бар оқушыларға мектепке бейімделуге көмектесетін мамандарды тарту былтыр қолға алынған еді.
Министрліктен хабарлағандай, өткен жылы оқу жылынан бастап Қазақстан мектептерінде 1 500-ге жуық педагог-ассистент жұмысқа кірісті.