RUS
SMARTNEWS.KZ басылымының хабарлауынша, 21-24 қаңтар аралығында Қазақстанның бірнеше облысында қолайсыз метеорологиялық жағдайлар күтіледі. «Қазгидромет» дерегіне сәйкес, ел аумағында тұман, қар, бұрқасын, көктайғақ, қатты жел және ауа сапасының нашарлауы тіркелуі мүмкін.
Павлодар қаласында 21 қаңтар күні сағат 12:00-ден бастап 24 қаңтар таңына дейін қолайсыз метеорологиялық жағдайлардың бірінші қауіптілік деңгейі жарияланды. Бұл кезеңде ауаның ластану деңгейі көтерілуі ықтимал.
22 қаңтарда Павлодар, Атырау, Түркістан, Жамбыл, Қарағанды, Ұлытау, Ақмола, Жетісу, Қызылорда және Батыс Қазақстан облыстарында қар жауып, жаяу бұрқасын мен көктайғақ күтіледі. Кей өңірлерде жел екпіні 23–28 м/с-қа дейін жетуі мүмкін.
Абай, Шығыс Қазақстан, Алматы, Маңғыстау облыстарында, сондай-ақ Семей, Өскемен, Риддер, Алматы, Қонаев қалаларында тұман күшейіп, жол қозғалысына қауіп төндіруі ықтимал. Кей өңірлерде екінші дәрежелі қолайсыз метеорологиялық жағдайлар ескертуі жарияланды.
Түркістан облысының оңтүстігі мен таулы аудандарында, сондай-ақ Шымкент пен Түркістан қалаларында жаңбыр мен қар аралас жауын-шашын күтіледі. Кей сәттерде жауын-шашын қатты болады.
13–22 қаңтар аралығында елдің солтүстігі, шығысы және орталығында түнгі температура -30…-38°C-қа дейін төмендеуі мүмкін. Суық толқын Солтүстік Қазақстан, Ақмола, Павлодар, Қарағанды, Шығыс Қазақстан және Абай облыстарын қамтиды.