Енді жемқорлар сайлауға қатыса алмауы мүмкін

SMARTNEWS.KZ басылымының хабарлауынша, сенатор Нұрлан Бекназаров кей азаматтардың сайлау мен референдумдарға қатысуын шектеу жөнінде ұсыныс жасады. Бұл бастама конституциялық реформалар жөніндегі комиссияның екінші отырысында жарияланды.

Бекназаровтың айтуынша, сайлауға қатысуға мүлде қабілетсіз деп танылған азаматтар мен қамауда отырғандар тыйым салынуы тиіс. Сонымен қатар, мемлекеттік қызметке сайлану құқығына да шектеу қою ұсынылады. Атап айтқанда, бұл тыйым жазасы өтелмеген немесе күшінде тұрған сот үкімі бар азаматтарға, сондай-ақ сыбайлас жемқорлық қылмысына кінәлі деп танылған тұлғаларға қатысты болады.

«Мұндай норма қоғам талабына жауап береді және мемлекеттік лауазымдарға кандидаттарға қойылатын талаптарды арттырады», — деді сенатор.

Ол ұсынылып отырған өзгерістердің негізгі мақсаты — қоғамның сайлау процестеріне және билік институттарына сенімін нығайту, сондай-ақ мемлекеттік басқаруға қатысуға үміткерлер үшін жоғары стандарттар қалыптастыру.

Айта кетейік, Қазақстанда сайлау туралы заңға да өзгерістер енгізілмек. Енді сыбайлас жемқорлыққа, ауыр және аса ауыр қылмыстарға сотталған азаматтар сайлау комиссиясының мүшесі бола алмайды.