RUS
SMARTNEWS.KZ басылымының хабарлауынша, Таразда 17 жыл бойы құлдықта болған Құндыз өзін байлаған адамның атын атады.
Әлеуметтік желіде Тараз қаласында аға-жеңгесінің қолында ұзақ жылдар бойы болған әйелдің қол-аяғы байланған суреті таралып, қоғамда үлкен резонанс тудырған еді. Аталған жағдайға қатысты шындықты анықтау үшін журналист Руслан Өтепбай Құндыз бен Назгүл тұрған жерге арнайы барып, онымен тілдесті.
Журналистің айтуынша, суреттің мән-жайы тікелей Құндыздың өзінен сұралған. Бейнежазбада Құндыз өзін скотчпен байлап қойған адам ретінде қамқоршысы Зүлфия Төленованы атап көрсетеді.
«Егер Құндыз байланбаған болса, ол жала жаппас еді. Мен Құндыздың сөзіне сенемін», – дейді журналист Руслан Өтепбай.
Журналистің мәліметінше, Құндыздың айтқандары негізінде Зүлфия Төленоваға қатысты қылмыстық іс қозғалған. Қазіргі уақытта істің мән-жайын құқық қорғау органдары анықтап жатыр.