RUS
SMARTNEWS.KZ басылымының хабарлауынша, Қостанай облысының прокуратурасы алимент төлеуден жалтарып жүрген азаматты Ресейдің Мәскеу қаласынан анықтады. Бұл туралы ведомствоның ресми мәлімдеді.
Қостанай облысының прокуратурасы азаматтардың өтініштерін қарау сапасына ерекше көңіл бөліп отырғанын мәлімдеді. Әрбір арыз-шағым мұқият тексеріліп, азаматтардың құқықтары мен заңды мүдделері бұзылған жағдайда оларды қорғау және қалпына келтіру бойынша прокурорлық ықпал ету шаралары қабылданады.
Ведомство дерегінше, азаматтардың бір бөлігі прокуратура қызметкерлерінің бейжай қарамағаны мен кәсібилігі үшін алғыс білдірген.
Атап айтқанда, Қостанай қаласының тұрғыны прокуратураға бұрынғы жұбайының алимент төлеуден жалтарып, тұрғылықты жерін жасырғанын айтып, оның жүрген жерін анықтауға көмектесуді сұрап жүгінген.
Прокурорлық ықпал ету шаралары аясында жедел түрде іздестіру ісі қозғалып, алимент бойынша берешегі бар азамат Ресей Федерациясының Мәскеу қаласынан табылды.
Қабылданған шаралардың нәтижесінде өтініш иесі прокуратура органдарына алғыс хат жолдаған.
Сонымен бірге, тағы бір өтінішті қарау барысында Қостанай облысы Денисов ауданындағы мектептер мен мектепке дейінгі ұйымдардың 105 қызметкерінің конституциялық құқықтары бұзылғаны анықталды.
Тексеру барысында еңбеккерлерге демалыс ақысы, іссапар шығындары және өтемақы төлемдері толық көлемде төленбегені белгілі болды.
Аталған деректер бойынша прокурорлық ықпал ету шаралары қабылданып, заңбұзушылықтар толық жойылды. Нәтижесінде білім беру саласы қызметкерлерінің құқықтары қалпына келтіріліп, оларға жалпы сомасы 13,6 миллион теңге төленді.
Денисов ауданының білім саласы қызметкерлері де прокуратураға алғыс хат жолдап, өз құқықтарының қалпына келуіне аудан прокуратурасының қосқан үлесін атап өткен.
Прокуратура мәліметінше, 2025 жылы небәрі 1 030 азамат пен заңды тұлғаның өтініші қанағаттандырылған.