RUS
SMARTNEWS.KZ басылымының хабарлауынша, Қазақстанның бірінші ракеткасы Елена Рыбакина 2026 жылғы Australian Open турнирінің чемпионы атанды.
Мельбурнде өткен, хард жабындысындағы маусымның алғашқы «Үлкен дулыға» турнирінің финалында қазақстандық теннисші әлемнің бірінші ракеткасы, Беларусь өкілі Арина Соболенконы жеңді.
Шешуші матч үш сетке созылып, 2 сағат 18 минутқа жалғасты. Қорытынды есеп — 6:4, 4:6, 6:4.
Кездесу барысында Рыбакина 6 эйс жасап, 3 қос қате жіберді және 6 брейк-пойнттың 3-еуін сәтті пайдаланды.
Әлемдік рейтингте бесінші орында тұрған 26 жастағы спортшы үшін бұл — Australian Open турниріндегі алғашқы чемпиондық атақ. Сондай-ақ бұл — оның «Үлкен дулыға» турнирлеріндегі екінші жеңісі. Бұған дейін, 2022 жылы, Рыбакина Уимблдонды жеңіп алған еді.
Ал Арина Соболенко Australian Open финалында қатарынан екінші рет жеңіліс тапты. Былтыр Мельбурндегі турнирдің чемпионы америкалық Мэдисон Киз болған. Оған дейін бұл жарыста Беларусь теннисшісі екі мәрте топ жарған.
Турнир қорытындысы бойынша Арина Соболенко әлемдік рейтингтегі көшбасшылығын сақтайды. Елена Рыбакина бесінші орыннан үшінші сатыға көтеріледі. Екінші орында польшалық теннисші Ига Швёнтек болады.