RUS
SMARTNEWS.KZ басылымының хабарлауынша, Атырауда «Яндекс Еда» сервисінің курьері соққыға жығылды. Оқиға 2026 жылғы 1 ақпанда қаладағы «Чехов» ықшамауданында болған.
Atyrau OIL редакциясының хабарлауынша, шабуыл кезінде курьер тапсырысты жеткізіп, қызметтік міндетін атқарып жүрген. Куәгерлердің айтуынша, жанжалдан кейін ер адамның беті қанға боялған.
Атырау облыстық полиция департаменті оқиғаға қатысты түсініктеме берді. Ведомство мәліметінше, учаскелік инспекторлар қоғамдық тәртіпті бұзу дерегін тіркеген.
«42 жастағы азамат қоғамдық орында алкогольдік масаң күйде жүріп, 37 жастағы ер адаммен жанжалға түскен. Аталған дерек бойынша жиналған материалдар сотқа жолданды», – деп хабарлады полиция.
Сот шешімімен құқық бұзушы 5 тәулікке әкімшілік қамауға алынды.
Құқық қорғау органдары қоғамдық тәртіпті сақтау мен айналадағы адамдарға құрметпен қарау әрбір азаматтың міндеті екенін ескертті.