RUS
SMARTNEWS.KZ басылымының хабарлауынша, Атырау облысында ерлі-зайыптының қазасына байланысты күдікті деп танылған Сұлтан Сәрсемалиевтің бес баласы мемлекет қорғауына алынды. Бұл шешім полицияның ресми өтінішінен кейін қабылданды.
Сұлтан Сәрсемалиев Жангельдин ауылының тұрғындарын өлтірді деген күдікпен іздеуде жарияланған. 2026 жылғы 2 ақпанда Атырау облысының Білім басқармасына полиция департаментінен балаларға тез арада қауіпсіздік шараларын қолдану және оларды қауіпсіз жерге орналастыру ұсынылған ресми хат келді.
Махамбет ауданы әкімдігі жанындағы кәмелетке толмағандар істері және құқықтарын қорғау комиссиясышешімі бойынша, үш бала уақытша Кәмелетке толмағандарды бейімдеу орталығына, ал 3 және 1 жастағы кішкентай екі бала арнайы Балалар үйіне орналастырылды. Ведомство атап өткендей, балалардың жағдайы бақылауда және олардың қауіпсіздігі мен құқықтары қамтамасыз етілген.
Еске салсақ, бұрын балалар әжесінің қарауында болған. Мектеп жасындағы балалары сабаққа қатысқан, кішкентайлары үйде тәрбиеленген.
Қазіргі уақытта күдікті Сұлтан Сәрсемалиев әлі іздеуде, тергеу әрекеттері жалғасып жатыр. Алтыншы қаңтарда Атырау облысының полициясы Жангелдин ауылынан толық отбасының жоғалғанын хабарлаған. Ол ерлі-зайыпты мен олардың ересек екі баласы. Кейін ерлі-зайыптының мәйіті табылғанымен, басқа балалардың орны анықталмаған.
Полицияның мәліметі бойынша, қайтыс болған ерлі-зайыптылардың денесінде пышақ жарақаттары бар. Өлімнің нақты себебі сараптама кезінде анықталады. Күдіктінің орны мен әйелі әзірге белгісіз, олар халықаралық іздеуде.