RUS
SMARTNEWS.KZ басылымының хабарлауынша, теннисші Елена Рыбакина Қатар астанасы Дохада өтетін WTA 1000 сериясындағы турнирдің ресми қатысушылар тізіміне енді.
WTA баспасөз қызметі жариялаған тізімге сәйкес, Рыбакина жарысқа екінші нөмірлі сеяный ретінде тіркелген. Бірінші нөмірлі сеяный — Польшаның өкілі Ига Швёнтек. Ал үшінші нөмірлі қатысушы ретінде америкалық Аманда Анисимова көрсетілген.
Қатты жабындыдағы турнир ресми түрде «Qatar TotalEnergies Open 2026» деп аталады және 8–14 ақпан аралығында өтеді. Жарыстың жалпы жүлде қоры 4 088 211 АҚШ долларын құрайды. Қазіргі чемпион — Аманда Анисимова.
Елена Рыбакинаның Дохадағы нәтижелеріне тоқталсақ, 2024 жылы ол финалға дейін жетіп, шешуші кездесуде Ига Швёнтекке жол берген. Ал өткен маусымда қазақстандық теннисші ширек финалға дейін өтіп, тағы да польша спортшысына есе жіберген болатын.
Егер Рыбакина бұл турнирден бас тартпай, кортқа шықса, Дохадағы жарыс оның Australian Open–2026 турниріндегі жеңісінен кейінгі алғашқы ресми жарысы болмақ.