RUS
«Болашақ» бағдарламасы керек. Біз қазір оны өзгертіп жатырмыз. Иә, бұрын бұқаралық бағдарламаға айналып кетті, біраз адамдар барды. Алдағы өзгерістерге келсек, «Болашақ» бағдарламасында бакалавриатты қайтарамыз, ол осыдан 12-13 жыл бұрын жабылған еді. Елімізде соңғы уақытта дарынды, білімді оқушылар әлемнің түрлі университетінен көптеген шақырту алады. Әлемнің жоғары оқу орындары дарынды балаларды халықаралық олимпиада және ғылыми жобалары жеңімпаздарының арасынан таңдап алады»,- деді Саясат Нұрбек тілші Нартай Аралбайұлының берген сұхбатында.
Оның айтуынша, енді еліміздің дарынды балаларын «Болашақ» бағдарламасы арқылы шетелге білім алуға жіберу жоспарланып отыр.
«Басты талап – олар елге қайтуы керек. Әйтпесе, біздің алтын басты балаларымыз шетелге ағылып жатыр. Бұл бастама келесі жылы іске қосылады. Сонымен қатар гранттардың басым бөлігі техникалық мамандықтарға беріледі. Бағдарламаға қатысты тағы бір жаңашылдық, бұған дейін конкурс жарияланады, оған кез келген адам қатыса алатын еді. Енді біз отандық ірі компанияларға барып, олардан қандай мамандар керектігін сұрап шығамыз. Олар өтініш білдіреді, соның негізінде біз тапшы деген мамандарды шетелде оқытып береміз», - дейді ол.
Сондай-ақ, министр «Болашақ» бағдарламасы бойынша гранттар саны шектеліп, сапаға ерекше мән берілетінін айтты.