Түркия барлауы Израиль агенттерін әшкереледі
Моссад үшін тыңшылық жасады деген күдіктілер қамауға алынды.
SMARTNEWS.KZ басылымының хабарлауынша, Стамбул соты Израиль арнайы қызметі “Моссад” үшін тыңшылық жасады деп айыпталған екі адамды қамауға алды.
Түркияның Ұлттық барлау басқармасы ұзақ уақыт бойы Мехмет Дерья мен Вейсель Керимоглуны бақылап, олардың құпия ақпаратты Израильге жеткізгенін анықтады. Дерья палестиндік шыққан Керимоглудың көмегімен Израильге қарсы шыққан палестиналықтардан ақпарат жинап, оны “Моссадқа” жіберген.
Хабарға қарағанда, Дерья өз байланыстарын 2013 жылдан бері жүргізіп келген, ал Израиль барлаушыларымен байланысқа мессенджерлер мен шифрланған байланыс арналарын пайдаланған.
Сот олардың саяси немесе әскери тыңшылық жасағаны үшін қамауға алынуын бұйырды.
Айта кетейік, бұған дейін Стамбул прокуратурасы Израиль премьер-министрі Биньямин Нетаньяхуға “геноцид” айыбы бойынша, сондай-ақ 36 саясаткер мен әскери тұлғаға қамауға алу ордерін шығарған болатын.
Материал авторы
