RUS
«Киберқылмыскерлер мен интернет-алаяқтар жаңа схемаларды әзірлеуді жалғастыруда және қарапайым тұрғындарды алдаудың әртүрлі жолдарын табуда. Осыған байланысты ІІМ қылмыстың аталған түріне қарсы тұруға ерекше назар аударады. Полиция цифрлық технологиялар саласындағы қылмыстарға қарсы күресте, мемлекеттік органдармен өзара байланыс жасағанда және халық арасында құқықтық сауаттылықты арттыруда өзінің тиімділігін көрсететін «CyberPol» пилоттық жобасын іске қосты», - деді Шұғыла Тұрлыбек ведомствоның баспасөз қызметі алаңында өткен брифингте.
Оның атап өтуінше, жоба өткен жылдың желтоқсан айынан бастап елорданың «Есіл» ауданы ПБ жанындағы полиция бөлімінің аумағында іске асырылып жатыр.
«Қысқа мерзім ішінде құрамында бес тергеуші, бес жедел уәкіл және IT-криминалист бар «CyberPol» екпінді-нысаналы тобы 234 интернет-алаяқтықты әшерелеп, сотқа 184 қылмыстық істі жолдады. Мұнда жұмыс «бір терезе» қағидаты бойынша жолға қойылған және жасалған қылмыс бойынша шұғыл тергеу әрекеттерін бір уақытта, бір жерде тергеуші, криминалист және жедел қызметкер жүргізеді. Бұрын азаматтар оған көп уақыт жоғалтатын еді. Енді уақыт жоғалтпайды. «CyberPol-да» өтінішті қабылдаудың жеңілдетілген механизмі бар. Жәбірленуші келгеннен кейін бірден өтініш қабылданады. Сол тергеуші істі соңына дейін сүйемелдейді. Адам уақытты жоғалтпайды және әрқашан тергеушімен байланыста болады», - деді ол.