Елена Рыбакина турнирдегі күшті соққысымен жұртты тәнті етті (ВИДЕО)

SMARTNEWS.KZ басылымының хабарлауынша, отандық теннисші Елена Рыбакина Дохадағы WTA 1000 турнирінде тартысты ойын көрсетті.

Рыбакина төрттен финал матчында канадалық Виктория Мбокоға үш сетте 5:7, 6:4, 4:6 есебімен жеңілді. Дегенмен бірінші сетте ол қабырғалық сызық бойымен күшті форхенд орындап, ойында ұпай алды. Бұл сәт көрермендерді тәнті етті, ал матч комментаторы эмоциясын «Уау» деп білдірді.

The Tennis Letter желідегі аккаунтында: «Елена Рыбакина Мбокоға қарсы матчта сызық бойымен қуатты форхенд орындады. Бұл планетадағы ең дарынды теннисшілердің бірі көрсеткен керемет күш», — деп жазды.

Айта кетейік, Дохадағы турнир Рыбакина үшін Australian Open-2026 жеңісінен кейінгі алғашқы жарыс болды. Сол турнирде ол карьерасындағы екінші «Үлкен шлем» титулын жеңіп алған.