RUS
SMARTNEWS.KZ басылымының хабарлауынша, Милан – Кортина-2026 қысқы Олимпиада ойындары аясында Қазақстан құрамасы алты спорт түрінен сынға түссе де, жүлде қорын толықтыра алмады. Жарыстар Италияның солтүстігіндегі бірнеше қалада, соның ішінде Милан мен Кортина-д’Ампеццо алаңдарында өтті.
Тау шаңғысы. Ерлер арасындағы алып слаломда Ростислав Хохлов 55-орынмен шектелді.
Фристайл-могул (параллель). Әйелдер сайысында жүлдеге таласқа араласу мүмкін болмады:
Юлия Галышева – 13-орын,
Анастасия Городко – 8-орын,
Аяулым Амренова – 19-орын.
Шаңғы жарысы. Әйелдер арасындағы командалық эстафетада Қазақстан құрамасы (Надежда Степашкина, Ксения Шалыгина, Анна Мельник, Дарья Ряжко) бір айналымға қалып, 15-орын алды.
Биатлон. Әйелдер арасындағы 7,5 шақырымдық жарыста Алина Ракишева – 91-орын, Милана Генева – 88-орын.
Конькимен жүгіру. Әйелдер құрамасы командалық жарыста медальдық финалға өте алмады. Қашықтықтың бір айналымында Арина Ильященко құлап қалды. Ал ерлер арасындағы 500 метрде Евгений Кошкин тоғызыншы нәтиже көрсетті.
Трамплиннен шаңғымен секіру. Үлкен трамплинде 18 жастағы Илья Мизерных сенсациялық түрде сегізінші орынға табан тіреді. Данил Васильев – 27-орын.
Шорт-трек. Әйелдер арасындағы 1000 метрлік іріктеуде Ольга Тихонова 1:31.771 уақыт көрсетіп, өз жарысында төртінші келді. Алайда ширек финалға жолдама ала алмады.
Қазіргі сәтте Қазақстан қоржынында небәрі бір алтын медаль бар. Жалпыкомандалық есепте ұлттық құрама 15-орында тұр.