RUS
SMARTNEWS.KZ басылымының хабарлауынша, Түркістан қалалық балалар ауруханасында 15 жастағы қызға сирек әрі аса күрделі ота жасалды. Дәрігерлер науқастың асқазанынан салмағы небәрі 900 грамм болатын шаш түйінін алып шықты. Ақпаратты Түркістан облысының денсаулық сақтау басқармасы растады.
Оқиға Түркістан қаласында тіркелген. Жасөспірім ауруханаға жедел жеткізілген. Тексеру барысында асқазан қуысында ірі бөгде зат бары анықталып, дәрігерлер шұғыл операция жасау туралы шешім қабылдаған.
Мамандардың мәліметінше, операция 2 сағат 50 минутқа созылған. Хирургтер, анестезиологтар және орта медициналық қызметкерлер бірлесіп, отаны сәтті аяқтаған.
Қазіргі уақытта қыздың жағдайы тұрақты, дәрігерлердің бақылауында.
Дәрігерлер мұндай жағдайлар медицина тәжірибесінде өте сирек кездесетінін айтады. Егер дер кезінде медициналық көмек көрсетілмесе, ауыр асқынуларға әкелуі мүмкін.