Жанболат пен Жазираның ұлы Мальдивте сүйіктісіне ұсыныс жасады (ФОТО)
Танымал әншілердің ұлы сүйіктісіне неке сақинасын Мальдивте ұсынды.
SMARTNEWS.KZ басылымының хабарлауынша, эстраданың танымал жұбы – Жанболат Ерболатов пен Жазира Байырбекованың ұлы Қазбек Қожахметов сүйіктісіне үйленуге ұсыныс жасады.
Жас жігіт бұл маңызды қадамын Мальдив аралдарында жасаған. Қуанышты жаңалықты анасы – Жазира Байырбекова әлеуметтік желідегі парақшасында жариялап, жас жұпқа ақ тілегін арнады.
«Қолыңа қонған бақ құсың құтты болсын. Махаббаттарың мәңгі, ниеттерің ақ болсын. Аллам тіл-көзден сақтасын!» – деп жазды әнші.
Белгілі болғандай, Қазбек Қожахметов пен болашақ жары діни некесін де қиып қойған. Кадрлардан жас жұптың мұсылман неке куәлігі анық көрінеді. Жас жұбайларды көпшілік алдында құттықтағандардың бірі – әнші Нұрлан Еспановтың ұлы Олжас Еспанов.
Ол әлеуметтік желідегі жазбасында: «Қатарымызға қош келдіңдер! Бұйырса той!» – деп пікір қалдырған.
Осылайша өнерлі әулеттің ұлы отбасылық өмірге ресми түрде қадам басуға дайын екенін көпшілікке жария етті.
Материал авторы
