RUS
52 және 60 жастағы екі науқасқа бірегей операцияны Сауд Арабиясынан келген профессор Мұхамед Саллах Алрешхидан жасады. Оған еліміз өңірлеріндегі жетекші кардиохирургия клиникаларының кардиохирургтары қатысты.
ҒЗИ басқарма төрағасы Марат Пашимовтің айтуынша, бүгінде медицинадағы жаңа технологиялар мыңдаған адамның денсаулығын қалпына келтіруге көмектеседі.
«Бүгін біздің клиниканың базасында ТМД аумағында алғаш рет Сауд Арабиясының жетекші кардиохирургінің қатысуымен жүректің қолқа қақпақшасын ауыстыру үшін соңғы буындағы биологиялық протез имплантацияланды.
Бұл биологиялық жүрек қақпақшасының протезі клапан инновациясының 40 жылдан астам тәжірибесіне негізделген. Тәжірибедегі ең үздігі жинақталып, бүкіл әлемдік тәжірибені біріктіре отырып, жаңа буын клапаны құрылды, ол жоғары гемодинамикалық көрсеткіштерімен, пайдалану жеңілдігімен және беріктігімен, Варфаринді қолданудың қажеттілігінің болмауымен ерекшеленеді», - дейді Марат Пашимов.
Дәрігердің сөзінше, митральды қақпақша ақаулары бар екі науқас жүрек аймағындағы ауырсыну, физикалық жүктеме кезінде ентігу, тез шаршау және тағы басқа шағымдармен стационарға түскен. Оларға хирургиялық араласу ұсынылды.
«Жүрек қақпақшаларын протездеу технологиялары үздіксіз дамып келеді. Жүрек қақпақшаларын протездеу операциясы жүрекке қан ағымын қалыпқа келтіру және жүрек жеткіліксіздігінің дамуына жол бермей, жүрекке қосымша жүктемені жою үшін жүргізіледі. Асқыну қаупі жоғары науқастарда, сондай-ақ егде жастағы адамдарда жүрек қақпақшаларының биологиялық протезін қолданған жөн. Биологиялық қақпақшалардың маңызды артықшылығы – қанды сұйылтатын дәрілерді – антикоагулянттарды өмір бойы қабылдаудың қажеті болмайды», - деп атап өтті кардиохирургия бөлімшесінің меңгерушісі Рүстем Төлеутаев.
Дәрігерлердің айтуынша, жаңа буын жүрек қақпақшасының биологиялық протезі оңай және ұзақ қызмет етеді. Бұл қақпақшаның қызмет ету мерзімі стандартты клапандарға қарағанда ұзағырақ.
«Қақпақша имплантациясы үшін стандартты тәсіл де, стернотомияны қажет етпейтін аз инвазивті техника да қолайлы, бұл кеуде қуысының қаңқасын сақтауға, инфекциялық асқынулардың қаупін азайтып, ауырсыну синдромын төмендетуге көмектеседі. Сондай-ақ, операциядан кейінгі кезеңде тыныс алуды жеңілдетеді, ұзақ уақыт бойы корсет кию қажеттілігін жояды және қалыпты өмірге тезірек оралуға мүмкіндік береді»,- деп түсіндірді кардиохирургтар.