Израиль Иранға соққы жасап, елде төтенше режим енгізілді
Израиль Иранға қарсы операция бастағанын мәлімдеді.
SMARTNEWS.KZ басылымының хабарлауынша, Израиль Қорғаныс министрлігі Иран аумағына алдын ала соққы жасалғанын мәлімдеді. Осыдан кейін Израильдің бүкіл аумағында ерекше төтенше режим енгізілді.
Израиль армиясының мәліметіне сәйкес, соққы «алдын алу» сипатында жасалған.
Сонымен қатар Тель-Авив қаласында соңғы алты айда алғаш рет әуе дабылы іске қосылған.
Ирандық Fars агенттігінің хабарлауынша, зымырандар Тегеран қаласындағы Данешгах даңғылы маңына және Джомхури ауданында түскен. Ал ISNA дерегінше, жарылыстан кейін Пастур ауданында қою түтін көтерілген.
Алдын ала соққыдан кейін Израиль әуе кеңістігін жапты. Бұл жөнінде елдің әуежайлар басқармасы мәлімдеді.
«Қазіргі уақытта барлық азаматтық әуежайлар жұмысын тоқтатты. Ұшып шығу мен қонуға толық тыйым салынды. Жолаушылар әуежайға бармауы тиіс, рейстер туралы ақпаратты тек әуекомпаниялардан нақтылағаны жөн», – делінген ресми хабарламада.
Еске салайық, бұған дейін Қазақстан Республикасының Сыртқы істер министрлігі Иран аумағында жүрген Қазақстан азаматтарына елден уақытша кетуге кеңес берген болатын.
Материал авторы
