RUS
Атыраулық арнайы қызметтерге дүйсенбіден бері үшінші рет жарылғыш зат қойылғаны туралы хабар түскен.
Бүгін, 26 сәуірде арнайы қызмет өкілдері Х.Досмұхамедов атындағы Атырау университетіне жарылғыш зат іздеп жатыр.
Осыған байланысты оқу корпустарынан оқытушылар мен студенттер қауіпсіз жерге шығарылды.
Бұған дейін 24 сәуірде АРЕС жоғары колледжіне де жарылғыш зат қойылғаны хабарланған еді.
Алайда, аталған оқу орнынан бомба табылған жоқ.
Сол күні кешкі мезгілде «Дина» сауда орталығынан жарылғыш зат іздеді. Бірақ, ақпарат жалған болып шыққан.
«Облыстық полиция департаментіне Х.Досмұхамедов атындағы Атырау университеті мен қаладағы колледждердің бірінде күдік тудырған сөмке бар деген хабар түсті. Атыраулық полицейлер ақпаратты тексеру үшін ғимараттардағы адамдарды эвакуациялап, тексеру жүргізді. Ақпараттың жалған екендігі анықталды. Қазір тергеу амалдары басталып кетті. Айта кетейік, көрінеу жалған ақпарат тарату дерегі бойынша ҚР Қылмыстық кодексінің 273-бабына сәйкес жауапкершілік көзделген» -деп хабарлады департаменттің баспасөз қызметі.