Израиль жаңа Иран басшысының да көзін құртатынын айтты
Әли Хаменеидің ұлы жаңа жоғарғы көшбасшы болып сайланды.
SMARTNEWS.KZ басылымының хабарлауынша, Израиль қорғаныс министрі Исраэль Кац жаңа Иран лидері Израиль армиясының «кез келген жағдайда жою нысаны» болатынын мәлімдеді. Ол әлеуметтік желідегі хабарламасында бұл ескерту Иранның Израильді жоюға бағытталған жоспарын жалғастыруға ұмтылатын кез келген басшыға қатысты екенін айтты.
Кацтың айтуынша, премьер-министр Биньямин Нетаньяху екеуі әскерге міндеттеме беріп, барлық қажетті шараларды қабылдауға дайындалған. Бұған дейін ирандық БАҚ-тың хабарлауынша, Иранның Жоғары эксперттер Ассамблеясы Мұжтаба Хаменейді жаңа жоғарғы лидер етіп сайлаған.
Осыған дейін 28 ақпанда АҚШ пен Израиль Иранға қарсы ауқымды әскери операция бастаған. Тел-Авивте оның мақсаты – Тегеранның ядролық қаруға қол жеткізуіне жол бермеу деп хабарланды. Президент Дональд Трамп Иран флотын және қорғаныс өнеркәсібін жоюға ниетті екенін жариялаған.
Ракеталық шабуылдар тек әскери объектілерге ғана емес, азаматтық инфрақұрылымдарға да тиген, Тегеран Израиль мен АҚШ-тың Жерорта теңізіндегі базаларын жауап ретінде нысанаға алған.
Материал авторы
