RUS
SMARTNEWS.KZ басылымының хабарлауынша, Таяу Шығыстағы геосаяси ахуалдың ушығуына байланысты елге қайта алмай қалған әншілер Жанболат Ерболатов пен Жазира Байырбекова Астанаға аман-есен оралды.
Жұлдызды жұп қуанышты жаңалықты әлеуметтік желіде бөлісті. Олар Дубайдан Маскатқа, содан кейін Ыстамбұл арқылы елге жеткен. Әнші жазбасында:
«Аллаға шүкір, елімізге аман-есен оралдық. Барлығы Алланың қалауымен болды. Әр кез тілекші болып, уайымдап хабарласып жатқан барша жанға үлкен рақмет. Алла баршамызды амандықта, тыныштықта ұстасын», – деп атап өтті.
Видеодан олардың ұлы мен келіні, кенже қызы және отбасы мүшелерімен бірге елге қайтқаны көрінеді.
Айта кетейік, бұған дейін жұп Дубайға демалуға барған, бірақ барлық әуе рейстерінің тоқтатылуына байланысты елге орала алмай қалғаны хабарланған болатын.