Павлодарда дәрігерлер баланың асқазанынан бұранда алып шықты
Дәрігер ата-аналарды балалар ойнайтын заттарға мұқият болуға шақырды.
SMARTNEWS.KZ басылымының хабарлауынша, Павлодар облыстық балалар ауруханасының дәрігерлері баланың асқазанынан бұранда алып шықты. Дәрігерлердің айтуынша, мұндай жағдайлар сирек емес, алайда өткір заттар ерекше қауіп төндіреді.
Аурухананың анестезиолог-реаниматологы Мерхат Әмреновтің сөзінше, балалардың асқазанынан алынатын заттардың қатарында монеталар, батарейкалар мен магниттер жиі кездеседі. Бірақ бұранда мен шуруп секілді өткір заттар ең қауіпті саналады.
Дәрігердің айтуынша, мұндай операциялар аса жоғары дәлдік пен шоғырлануды талап етеді. Процедура алдында бала міндетті түрде седативтік күйге енгізіледі. Бұл ішкі ағзалардың зақымдану қаупін азайту үшін қажет.
«Балалардың асқазанынан неше түрлі зат алуға тура келеді: батарейка, магнит, монета. Бірақ ең қауіптісі – өткір заттар, әсіресе бұранда мен шуруп. Бала толық тыныш күйде болуы керек. Өйткені бір сәттік қозғалыс ішкі ағзаларды зақымдауы мүмкін. Мұндай жағдайда дәрігер барынша мұқият болуы тиіс. Бір қате қимыл өңешті толық жарақаттап, баланы өмір бойы мүгедек етіп жіберуі ықтимал», — деді Мерхат Әмренов.
Дәрігер ата-аналарды балалардың қолы жететін жерде ұсақ тұрмыстық заттарды қалдырмауға шақырды. Оның айтуынша, бұранда, шуруп сияқты өткір бөлшектер балалар үшін аса қауіпті.
Материал авторы
