RUS
SMARTNEWS.KZ басылымының хабарлауынша, Қазақстанның бірқатар өңірінде ауа райының күрт нашарлауына байланысты мектептер мен колледждерде сабақтар онлайн форматқа ауыстырылды.
Көкшетау қаласында бірінші ауысымдағы 1–11 сынып оқушылары қашықтан білім алып жатыр. Мұндай шешім оқушылардың қауіпсіздігін қамтамасыз ету мақсатында қабылданған.
Павлодар облысында да осыған ұқсас шара енгізілді. Өңірде 1–11(12) сынып оқушылары және колледждердің 1–2 курс студенттері сабақтарын онлайн режимде жалғастырып жатыр.
Семей қаласында бірінші ауысымда оқитын бастауыш сынып оқушылары – 1–4 сыныптар үшін де сабақтар қашықтан өткізіледі.
Бұған дейін Астанада да бірінші ауысымдағы 0–11 сынып оқушылары мен студенттердің онлайн оқитыны хабарланған еді. Білім беру ұйымдары мұндай шешімдерді қолайсыз ауа райы кезінде балалардың қауіпсіздігін сақтау үшін қабылдап отыр.