Украиналық паралимпиадашы ChatGPT-мен дайындалып, Олимпиада жүлдегері атанды
Көзі көрмейтін спортшы жаттығуда жасанды интеллектті пайдаланғанын мойындады.
SMARTNEWS.KZ басылымының хабарлауынша, украиналық биатлоншы Максим Мурашковский Паралимпиада-2026 ойындарында жеңіп алған күміс медалінің артында ерекше дайындық әдісі тұрғанын мәлімдеді. Спортшы жаттығу барысында жасанды интеллектті белсенді пайдаланғанын айтты.
РБК-Украина басылымының хабарлауынша, көру қабілеті бұзылған спортшылар арасындағы биатлонның жеке жарысында екінші орын алған 25 жастағы атлет соңғы алты айда дайындық процесіне ChatGPT чат-ботын енгізген.
Мурашковскийдің айтуынша, жасанды интеллект бірнеше маманның қызметін қатар атқарған. Нейрожүйе жаттығу жоспарының жартысынан астамын құруға көмектесіп, тактикалық кеңестер беріп, сонымен қатар психологиялық қолдау көрсеткен.
Спортшы технологияны тек спортта ғана емес, білім алу үшін де пайдаланатынын айтты. Оның сөзінше, жасанды интеллект тіл үйренуге, химия мен биология саласындағы ғылыми жобалармен айналысуға көмектеседі.
Мурашковскийдің пікірінше, нейрожүйелер кәсіби спорттағы дайындық тәсілдерін түбегейлі өзгертуі мүмкін.
Материал авторы
