RUS
Бүгін Facebook әлеуметтік желісінде бірнеше күннен бері тоқтамаған желден құм көшіп, «Арал – Газ» және Белкөлдегі пойыз тұрағы маңынан адам қаңқасы табылғаны туралы ақпарат тарады.
«Аталған дерек бойынша «001» (табылған мәйіт) санатымен қылмыстық іс тіркеліп, сотқа дейінгі тергеп-тексеру әрекеттері жүргізіліп жатыр.
Қызылорда қаласы Белкөл кентіне қарасты далалық жерге жүргізілген қарап-тексеру барысында адам сүйектеріне ұқсайтын бөліктер табылып, айғақты зат ретінде алынды.
Тиісті сараптамалар тағайындалды.
Болжам бойынша, оқиға орнына жақын жерлерде мазарлар тұрғызылуына орай, адам сүйегіне ұқсайтын заттар табылған орын ескі қорым болуы мүмкін», - делінген ақпаратта.
Полиция мәліметінше, ҚР Қылмыстық-процестік кодексінің 201-бабына сәйкес, өзге мәлімет жария етуге жатпайды.