Сәтпаевтың голы «Қайратқа» жеңіс сыйлады
«Қайрат» «Ақтөбені» жеңіп, Премьер-лигада көш бастады.
SMARTNEWS.KZ басылымының хабарлауынша, Алматының «Қайрат» клубы Қазақстан Премьер-лигасының екінші турындағы матчта «Ақтөбені» жеңіп, турнир кестесінде бірінші орынға көтерілді.
Кездесу Алматыдағы Орталық стадионда өтті. Тартысты ойын алаң иелерінің минималды басымдығымен аяқталды — 1:0.
Матчтағы жалғыз гол 76-минутта соғылды. Қазақстан құрамасының және «Қайраттың» шабуылшысы Дастан Сәтпаев қарсылас қақпасын дәл көздеп, командасына шешуші үш ұпай әперді.
Осы жеңістің арқасында алматылық клуб алты ұпай жинап, Қазақстан Премьер-лигасының турнирлік кестесінде көш басында қалды.
Ал «Ақтөбе» командасы үш ұпаймен чемпионатта төртінші орында тұр.
Материал авторы
