Петропавлда электрослесарь жұмыс кезінде қаза тапты
Жоспарлы тексеріс 21 жастағы маманның өлімімен аяқталды.
SMARTNEWS.KZ басылымының хабарлауынша, Петропавл қаласында электр қосалқы станциясында болған оқиға 21 жастағы электрослесарьдың өмірін қиды. Қайғылы жағдай жұмыс орнында, жоспарлы тексеріс кезінде болған.
Алдын ала мәлімет бойынша, нысанға жұмысшылар бригадасы келген. Екі қызметкер қосалқы станция аумағына кірген. Олар жөндеу емес, тек жоспарлы профилактикалық тексеріс жүргізуі тиіс болған.
Алайда белгісіз себептермен жас маман жоғары кернеулі токқа түсіп, ауыр жарақат алған. Ол жедел жәрдем жеткенге дейін көз жұмды.
Марқұм «Солтүстік Қазақстан электр желілерін тарату» компаниясының қызметкері болған. Полиция бұл дерек бойынша еңбекті қорғау талаптарын бұзу фактісімен қылмыстық іс қозғады.
Қазіргі таңда оқиғаның нақты себептері анықталып жатыр.
«Солтүстік Қазақстан электр желілерін тарату компаниясы» – өңірдегі электр энергиясын жеткізу және таратуға жауапты ұйым. Ол «Орталық-Азиялық электр энергетикалық корпорациясы» құрылымына кіреді. Ал корпорация «Орталық-Азиялық отын-энергетикалық компаниясына» қарайды.
Бұл холдинг өңірдегі энергетикалық инфрақұрылымды, соның ішінде электр желілері мен станцияларды басқарады.
Материал авторы
