Үйдегі ақылды колонка алаяқтардың тыңшылық құралына айналуы мүмкін
Мамандар сақ болуға шақырып, ескерту жасады.
SMARTNEWS.KZ басылымының хабарлауынша, ақылды колонкалар тұрмысты жеңілдетумен қатар, алаяқтардың бақылау құралына айналуы ықтимал. Мамандар пайдаланушыларға құрылғылардың қауіпсіздігін шұғыл тексеруге кеңес береді.
Ресей ІІМ дерегінше, кибералаяқтар құрылғыны иесінің рұқсатынсыз іске қосып, оны бақылау үшін пайдалануға тырысуы мүмкін. Мұндай жағдайда колонка өздігінен қосылып, белсенділік тарихында күмәнді әрекеттер пайда болады.
Мамандар мұндай белгілер байқалса, құрылғыны дереу интернеттен немесе электр желісінен ажыратуды ұсынады. Сонымен қатар қауіпсіздік баптауларын тексеру қажет.
Полиция қарапайым, бірақ маңызды қадамдарды да атап өтті: күрделі пароль орнату, бағдарламалық жасақтаманы және оған байланысты қосымшаларды соңғы нұсқаға дейін жаңарту. Бұл әрекеттер рұқсатсыз кіру қаупін айтарлықтай төмендетеді.
Айта кету керек, мұндай қауіп Қазақстан пайдаланушылары үшін де өзекті. Себебі ақылды колонкалар, дауыстық көмекшілер және өзге де «ақылды» құрылғылар бірдей қағидамен жұмыс істейді және үй желісінің қорғаныс деңгейіне тәуелді.
Материал авторы
