ҰҚШҰ Ирандағы жағдайға алаңдаушылық білдірді
Ұйым Таяу Шығыстағы шиеленісті бейбіт жолмен шешуге шақырды.
SMARTNEWS.KZ басылымының хабарлауынша, Парламенттік Ассамблеяның Ұжымдық қауіпсіздік туралы шарт ұйымы Таяу Шығыстағы және Иран Ислам Республикасы маңындағы жағдайға байланысты мәлімдеме жасады. Кеңес әскери соққылар мен өңірдегі шиеленістен алаңдаушылық білдірді.
Парламенттік Ассамблеяның Ұжымдық Қауіпсіздік Шартындағы Кеңесі БҰҰ мен халықаралық құқық қағидаларына сәйкес тек бейбіт жолмен мәселені шешуге шақырады. Мәлімдемеде барлық тараптарды сабырлыққа, күш қолданбауға және жағдайды ушықтыратын әрекеттерден аулақ болуға үндеген.
Кеңес сондай-ақ БҰҰ мен Қауіпсіздік Кеңесіне халықаралық бейбітшілік пен қауіпсіздікті қамтамасыз ету үшін дереу шара қолдануға шақырды.
«Біз Иранның егемендігі, қауіпсіздігі мен аумақтық тұтастығын қамтамасыз ету қажеттігін ерекше атап өтеміз. Иран үкіметі мен халқына қолдауымызды білдіреміз», — делінген мәлімдемеде.
Кеңес сондай-ақ қайтыс болғандардың отбасыларына көңіл айтып, оларға шынайы көңіл білдірді.
Материал авторы
