Атырауда дәстүрлі садақ атудан «Алтын Орда» халықаралық турнирі аяқталды

29.04.2023, 10:33
190
Атырауда дәстүрлі садақ атудан «Алтын Орда» халықаралық турнирі аяқталды Атырау облысының Өңірлік коммуникациялар қызметі

27-28 сәуір күндері Атырау қаласында Атырау облысы әкімдігінің қолдауымен алғаш рет өткен дәстүрлі садақ атудан «ALTYN ORDA» халықаралық турнирі қорытындыланды, деп хабарлайды smartnews.kz сайты Атырау облысының Өңірлік коммуникациялар қызметі.

Садақшылар 30 метрден 70 метрге дейінгі қашықтыққа арналған Пута, Орта Азия, Жамбы нысана түрлері бойынша мергендік шеберліктерін сынасты.

Атырау облысы әкімінің орынбасары Жасұлан Бисембиев пен ҚР Ұлттық спорт қауымдастығының вице-президенті-Бас хатшысы Тастанбек Есентаев аталған шараға арнайы қатысып, жеңімпаздарды марапаттады.

«11 мемлекеттің басын қосып, сайыста керемет өнер көрсеткен садақшылар мен меймандар Атырау өңіріне қош келдіңіздер! Тарихи дәстүрдің жандануына бірден-бір септігін тигізіп жатқан садақ атудан «Алтын Орда» халықаралық турнирінің біздің өңірде өтіп жатқанын мақтанышпен айта аламыз. Осы орайда, сайыстың өтуіне ұйтқы болған «Batu Han zhebesi» Атырау облыстық федерациясының басшысы Бексұлтан Маратқа Атырау облысы әкімінің Алғыс хаты табысталады. Мәдениет пен дәстүр, ұлттық дәстүріміздің жандануына арналған ауқымды шаралар әлі де өз жалғасын табады», - деді облыс әкімінің орынбасары Ж.Бисембиев.

Ал, ҚР Ұлттық спорт қауымдастығының вице-президенті-Бас хатшысы Тастанбек Есентаев жарыстың маңыздылығына тоқталды.

«Дана халқымыздың қасиетті тілінде «мерген» дейтін сөз бар. Жаугершілік заманда садақ ату мен мергендік өнер елдің тұтастығы мен бекемдігі үшін баға жетпес құндылық болып саналған. Ал, бүгінде садақ ату өнермен қоса – үлкен спорт.

Өздеріңізге белгілі, дәстүрлі садақ ату спорты елімізде ұлттық спорт түріне жатады. Ал, ұлттық спортымыздың дамуы мен дұрыс насихатын Мемлекет басшысы Қасым-Жомарт Тоқаев өзінің ерекше бақылауында екенін бірнеше рет айтып, ұлттық спортты дамыту Концепциясын әзірлеуді, ұлттық спортымызды Олимпиадалық спорт түрлерімен деңгейлес етіп көтеру керектігін және келесі жылы елімізде өтетін V Көшпенділер ойындарын өте жоғары деңгейде өткізуге тапсырма берген болатын. Бүгінгі таңда біз осы бағытта жүйелі жұмыстар жүргізіп жатырмыз. Осынау жарысқа алыс-жақын шетелдерден көптеген спортшылар келді. Бұл турнирдің қаншалықты жоғары деңгейде өткендігінің көрсеткіші деп санаймын» деді Тастанбек Құтжанұлы.

Турнир қорытындысына сәйкес, ерлер арасынан Пута нысана түрінен (70 метр) І орын Ынтымақ Мұрәділұлы (Қырғызстан), ІІ орын Бексұлтан Марат (Қазақстан, Атырау), ІІІ орын Бақыт Тоқтоматов (Қырғызстан). Әйелдер арасынан (60 метр) І орын Динара Жақсылықова (Қазақстан, Астана), ІІ орын Ямбиидончир Баярцецег (Моңғолия), ІІІ орын Алия Ишмуратова (Ресей).

photo

Ерлер арасынан Орталық Азия нысана түрінен (40 метр) І орын Аккайя Хаяти (Түркия), ІІ орын Бақыт Тоқтоматов (Қырғызстан), ІІІ орын Рустам Ногойбаев (Қырғызстан). Әйелдер арасынан І орын Алия Ишмуратова (Ресей), ІІ орын Фариза Сабыржан (Қазақстан, Астана), ІІІ орын Динара Жақсылықова (Қазақстан, Астана).

Ерлер арасынан Жамбы нысана түрінен (30 метр) І орын Самал Зулпыхаров (Қазақстан, Маңғыстау), ІІ орын Мақсат Әбдікерімов (Қазақстан, Шымкент), ІІІ орын Ербол Тапенов (Қазақстан, Астана). Әйелдер арасынан І орын Норсиани Бинти Мохд Hop (Малайзия) ІІ орын Жазира Кузекбай (Қазақстан, Астана), ІІІ орын Царица Анжела (Қазақстан, Астана) иеленіп, медельдар мен дипломдар және ақшалай сыйақылармен марапатталды.

Айта кетейік, дүбірлі додада 11 мемлекеттен соның ішінде Қазақстаннан 150-ге жуық мерген бақ сынады. Турнирдің ұйымдастырушысы – ҚР Ұлттық спорт қауымдастығы, ҚР Садақ ату федерациясы және «Batu Han zhebesi» облыстық дәстүрлі садақ ату федерациясы. Ал, турнирдің Бас серіктесі – «Самұрық Қазына» АҚ, ал, серіктесі «Sportqory» спортты қолдау қоры болды.

Қызылорда облысында екі адамды тоқ соғып, мерт болды Мемлекет басшысы «Отан Ана» монументіне гүл шоғын қойды Ақтөбеде екі бала терезеден құлап кетті "Асқазанның жарасын да, артығын да кесті": Құрманай Бақтиярқызы ауыр дертпен қалай арпалысқанын айтты Қазақстанның ең жас автошабандозы жол апатынан қаза тапты БАӘ-дегі қазақстандық дипломаттың әйелі елге оралды Алматыда патрульдік полиция көлігінің үстіне ағаш құлады Әнші Қайрат Нұртас жол бойындағы сатушы апалардан 150 мың теңгеге балық алды (видео) Астанада әскери оркестр қала тұрғындары алдында өнер көрсетті «Рейхстагқа 8 сағат бойы жер бауырлап жеткен»: Рақымжан Қошқарбаевтың қызы әкесі туралы естелік айтты Су басқан Құлсарының 686 тұрғыны әлі де эвакуациялық пункттерде тұрып жатыр Қанат Бозымбаев Ақмола облысының баспанасыз қалған тұрғындарын тамыз айының ортасына дейін қоныстандыруды тапсырды Қазақстанда жаңа мереке пайда болады Заңгер Ләззат Ахатова Нүкенованың ағасы туралы: “Бұның да қаныпезерлігі Бишімбаевтан кем түспейді” Қызылорда облысында жүк пойызы 11 қойды қағып кетті Путин бесінші рет Ресей президенті қызметіне ресми кірісті Бишімбаев ісі бойынша танылған прокурорлар қазақстандықтарды мерекемен құттықтады "Түсіме кіріп, қайда екенін көрсетті": ШҚО-да табыс табуға кетіп жоғалған ер адамның денесі табылды "Басқа жексұрын емес, Гитлер туралы ойладым": Түсіпбаева Бишімбаевпен ойы бір жерден шыққанын айтты Ақтөбеде ерлі-зайыптылар тірідей өртеніп кетті