Тарихта тұңғыш рет араб астронавты ашық ғарышқа шықты
Біріккен Араб Әмірліктерінің ғарышкері Сұлтан әл-Нейади ашық ғарышта NASA астронавты Стив Боуэнге қосылу үшін халықаралық ғарыш станциясының модулінен шықты, деп хабарлайды smartnews.kz сайты Euronews агенттігіне сілтеме жасап.
Әл-Нейадидің отаны ғарыштағы бұл саяхатты «тарихтың елеулі кезеңі» деп атады. Отандастары астронавқа «Ғарыш сұлтаны» деген ат қойды.
41 жасында Сұлтан әл-Нейади ашық ғарышқа шыққан алғашқы араб ғарышкері атанды.
Ол алты айдан бері ХҒС бортында болды.
Станция модулінен шыққаннан кейін әл Нейади NASA-дағы әріптесімен бірге модульді энергиямен жабдықтау жүйесін жаңарту жұмысын атқарды.