«A’Studio» тобының экс-мүшесі Мәскеуде қолға түсті
Бағлан Садуақасовтың ұлы күдікке ілінді.
SMARTNEWS.KZ басылымының хабарлауынша, Мәскеуде «A’Studio» тобының бұрынғы мүшесі Тамерлан Садвакасов мас күйінде көлік жүргізді деген күдікпен ұсталды.
Мәскеуде «A’Studio» тобының экс-музыканты Тамерлан Садвакасов жол қозғалысы ережелерін бұзғаны үшін тоқтатылып, мас күйінде көлік жүргізді деген күдікке ілінді. Бұл туралы ресейлік дереккөздер хабарлады.
Ақпаратқа сәйкес, өнер иесін жол полициясы таңғы сағат 05:00 шамасында Волоколамск тасжолында тоқтатқан. Тексеру барысында ол медициналық куәландырудан өтуден бас тартқан. Осыдан кейін Садвакасов полиция бөліміне жеткізілді.
Оған қатысты әкімшілік хаттама толтырылды.
Тамерлан Садвакасов – гитарист әрі вокалист, марқұм музыкант Бағлан Садвакасовтың ұлы.
Материал авторы
