Бүгін шахматтан әлем чемпионы атағы үшін шешуші партия ойналады
Бүгін әлем чемпионы атағы үшін Ян Непомнящий мен Динь Лижэнь арасындағы шахмат матчының 14-ші, яғни ең соңғы партиясы өтеді, деп хабарлайды smartnews.kz сайты.
Партия алдында шахматтан 17-ші әлем чемпионына табысталатын кубок Астанада жанкүйерлер назарына ұсынылды.
Қос гроссмейстердің шешуші кездесуі Астанада сағат 15:00-де басталады.
Бұл партияда қытайлық шахматшы Динь Лижэнь - ақ, ал ресейлік Ян Непомнящий - қара фигуралармен ойнайды.