RUS
SMARTNEWS.KZ басылымының хабарлауынша, Атырау облысында үш жасар екі бала жолға шығып, велосипед тебуге әрекет жасаған. Жол полициясы оларды қауіпсіздік үшін дереу алып кетті. Бұл туралы КТК арнасы жазды.
Оқиға Индер ауданында болды. Жергілікті полицей бақылау камераларынан жол жиегінде үш дөңгелекті велосипедпен келе жатқан екі баланы байқап, оларға дереу патруль жіберді. Автокөлік жүргізушілері балаларды абайлап айналып өткен.
Балалардың бірінің анасы ұлын досымен аулада ойнап жүріп, кенет жоғалып кеткенін айтты. Кейін оларды іздеген.
Атырау облыстық полиция департаментінің хабарлауынша, балалардың ата-анасы анықталды және олар үйлеріне жеткізілді. Заңды өкілдеріне алдын алу және қауіпсіздік шаралары туралы түсіндіру жұмыстары жүргізілді.