Доллар тағы қанша уақыт төмендей береді?

SMARTNEWS.KZ басылымының хабарлауынша, Қазақстанда доллар бағамы соңғы жарты жыл бойы тұрақты түрде төмендеп келеді: бүгін ол 475 теңгеге жетті. Сол уақытта әлемдік нарықта доллар керісінше нығайып отыр.

Бағамға ең көп әсер еткен факторлардың бірі – мұнай. Ормуз бұғазы айналасындағы тәуекелдер туралы жаңалықтар шыққаннан кейін нарық мұнай жеткізілімдерінде үзілістер болуы мүмкін деп болжады, нәтижесінде Brent маркалы мұнай бағасы көтерілді. 2 сәуірдегі сәуірлік фьючерс бағасы бір баррельге 108 долларды құрады.

Қазақстан үшін мұнай бағасының өсуі экспорттық табысты арттырады. Мұнай қымбаттаған сайын нарық қатысушылары елге валюта ағынын күтіп, оны алдын ала теңгеге айырбастауға әрекет етеді.