3 жасар баланың өлімінен кейін стоматолог жаңа клиника ашты

SMARTNEWS.KZ басылымының хабарлауынша, Астанада жаңа стоматологиялық клиника ашқан Dent Park Ortho клиникасының иесі Надежда Хон бұрынғы клиникасында 3 жасар баланың наркоз кезінде қайтыс болғаны үшін қоғамда резонанс тудырған.

Әлеуметтік желілерде жағдайға байланысты қызу пікірлер тарады: көпшілік трагедиядан кейін жаңа клиника ашылғанына наразы, ал клиниканың парақшаларында пікірлер жабық екені белгілі болды.

Еске салсақ, 2024 жылдың күзінде 3 жасар бала наркоз кезінде көз жұмған. Тергеу деректеріне сүйенсек, баланы емдеуден бұрын толық тексеру жүргізілмеген, ал аса қажетті препараттар критикалық сәтте клиникада болмаған.